द कपिल शर्मा शोमा फिर्ता हुँदै डाक्टर गुलाटी…

द कपिल शर्मा शो  दर्शकलाई अत्यधिक हसाउने कार्यक्रम हाल बन्द छ ।  अचानक प्रसारण बन्द हुँदा धेरैलाई खल्लो पनि महसुस भइरहेको छ । भारतीय सञ्चार माध्यमलाई विश्वास गर्ने हो भने द कपिल शर्मा शो नयाँ स्वाद र क्रिएटिभिटीसँगै जुलाईमा फिर्ता हुनेछ । नयाँ कार्यक्रमले दर्शकलाई अझै खुसी बनाउनेछ किनभने यहाँ कपिल शर्मा र सुनिल ग्रोवर पुनः एकपटक कमेडी गरिरहेको देखिनेछन् ।

द कपिल शर्माको नयाँ सिजनसँगै सुनिल ग्रोवर पनि कार्यक्रममा फिर्ता हुनेछन् । हुन त यसअघि पनि सुनिल कार्यक्रममा फिर्ता हुन लागेको खबर बारम्बार आइसकेको छ तर अहिलेसम्म यस्तो हुन सकेको थिएन । तर अब रिपोर्टलाई विश्वास गर्ने हो भने कपिल र सुनिलबीचको विवाद मिलाउने काम सलमान खानले गरेका छन् । कोइमोई डट कमको रिपोर्ट अनुसार सलमान खानले कपिल शर्मा र सुनिल ग्रोवरबीचको विवाद मिलाइदिएका छन् । उनी सुनिलसँग एक विशेष सम्बन्ध सेयर गर्छन् र शोमा सुनिलको फिर्ती होस् भन्ने चाहन्छन् । यहाँ याद गर्नुपर्ने कुरा के छ भने द कपिल शर्मा शोका निर्माता सलमान खान नै हुन् ।सुनिल शोमा फिर्ता हुन लागेको सङ्केत हालै सोसल मिडियामा पाइएको हो । कपिल शर्माका मेकअप आर्टिस्टले सुनिल ग्रोवरसँग सोसल मिडियामा फोटो सेयर गरेका थिए ।

WRITE COMMENTS FOR THIS ARTICLE