स्थायी कमिटी बैठकअघि दाहालको ओलीसँग ‘वान अन वान’ वार्ता चल्दै

kp woli and prachanda

सत्तारुढ दल नेपाल कम्युनिस्ट पार्टी (नेकपा)का अध्यक्ष एवं प्रधानमन्त्री केपी शर्मा ओली र कार्यकारी अध्यक्ष पुष्पकमल दाहाल प्रचण्डबीच बालुवाटारमा छलफल भइरहेको छ।

मंगलबार दिउँसो १ बजेको लागि तय गरिएको स्थायी कमिटीको बैठकअघि ओली–प्रचण्ड छलफल भइरहेको बालुवाटार स्रोतले जनाएको छ।

पार्टीभित्र देखिएको विवादकाबीच स्थायी समिति बैठकलाई कसरी अगाडि बढाउने भन्ने विषयमा दुई अध्यक्षबीच छलफल हुने बताइएको छ।

यसअघि मंगलबार बिहान प्रचण्डले महासचिव विष्णु पौडेल र स्थायी कमिटी सदस्य जनार्दन शर्मासँग छलफल गरेका थिए।

त्यस्तै मंगलबार बिहान नै वरिष्ठ नेता झलनाथ खनाल, माधवकुमार नेपाल, उपाध्यक्ष वामदेव गौतम र प्रवक्ता नारायणकाजी श्रेष्ठसँग पनि अध्यक्ष प्रचण्डले छलफल गरेका थिए।

WRITE COMMENTS FOR THIS ARTICLE