बुधबार , जेठ ३०, २०८१

काठमाडौंमा नेपाल टी–२० क्रिकेट लिगको तयारी

image

काठमाडौं । काठमाडौंमा शुक्रबारदेखि नेपाल टी–२० फ्रेन्चाइज क्रिकेट लिग हुनेभएको छ । लिगका लागि अन्तर्राष्ट्रिय खेलाडी काठमाडौं आउने क्रम जारी रहेको छ ।

कीर्तिपुरस्थित त्रिवि मैदानमा पुस २६ गतेसम्म सञ्चालन हुने प्रतियोगितामा काठमाडौं नाइट, पोखरा एभेन्जर्स, फार वेस्टर्न युनाईटेड, जनकपुर रोयल्स, विराटनगर सुपर किंग्स र लुम्बिनी अल स्टारबीच प्रतिस्पर्धा हुनेछ ।

प्रतियोगितामा सहभागिता जनाउन आजमात्र ६ जना विदेशी खेलाडी नेपाल आउन लागेको आयोजक नेपाल क्रिकेट संघ (क्यान) ले जनाएको छ । प्रतियोगिताको उद्घाटन खेलमा काठमाडौं नाइट र पोखरा एभेन्जर्सबीच प्रतिस्पर्धा हुँदैछ । सोही दिन अर्को खेलमा लुम्बिनी अल स्टार्स र फार वेस्ट युनाईटेड भिड्नेछन् ।

सहभागी टोलीले डबल राउन्ड रोबिन लिगका आधारमा प्रतिस्पर्धा गर्नेछन् । लिग सञ्चालनका लागि क्यानले भारतको ‘सेभेन थ्रीस्पोर्ट्स’ कम्पनीलाई जिम्मेवारी समेत दिईसकेको छ ।

क्यानले ‘सेभेन थ्रीस्पोर्ट्स’ कम्पनीलाई आठ वर्षसम्म यस प्रतियोगिता सञ्चालनको जिम्मेवारी दिएको हो । जस वापत क्यानलाई ‘सेभेन थ्रीस्पोर्ट्स’ ले वार्षिक चार करोड १२ लाख ५० हजार रुपियाँ उपलब्ध गराउने क्यानले जानकारी दिएको छ ।

सम्बन्धित समाचार