होन्डा र बजाजले बाइकको मूल्य वृद्धि गरेसँगै टीभीएस र यामाहाको पनि तयारी

निषेधाज्ञा खुले पश्चात नेपाली बजारमा होन्डा र बजाज बाइकको मूल्य वृद्धि भइसकेको छ । केही दिन पहिले केही दिनको अन्तरालमा यी दुई कम्पनीले मूल्य वृद्धि गरिसकेका छन् ।

भारतमा समेत यी बाइकको मूल्य बढिरहेको र विभिन्न कारणले यी बाइकको मूल्य समायोजन गरिएको कम्पनीको नेपालस्थित आधिकारिक बिक्रेताहरुको भनाइ छ । सामान्यतः ३ हजार रुपैयाँको हाराहारीमा यी बाइकको मूल्य बढेको छ ।

बढ्दै छ यामाहा बाइक र स्कुटरको मूल्य, ल्यायो ८ हजार सम्म छुट सहितको स्किम

आर्थिक वर्ष प्रारम्भ हुने समयको आसपासमा प्रायः कम्पनीहरुले मूल्य वृद्धि गर्ने गरेको पाइन्छ । अब साउन लागे पश्चात नेपाली बजारमा टीभीएस र यामाहा बाइकको मूल्य वृद्धि हुने संकेत यी दुइृ कम्पनीका आधिकारिक वितरकले गरिसेका छन् ।

टीभीएसले हाल साथ छ हाम्रो नामक स्किम संचालनमा ल्याएको छ । सोही स्किम सार्वजनिक गर्ने अवसरमा टीभीएसको नेपालका लागि आधिकारिक वितरक जगदम्बा मोटर्सले आउँदो केही समयमा नयाँ आर्थिक बर्षको सुरुवात र कर प्रणालीमा वृद्धि जस्ता कारणले मोटरसाइकल र स्कुटर दुवैको दाम बढ्ने सम्भावना रहेको समेत संकेत गरेको छ ।

असहज परिस्थिति र निराशालाई मध्यनजर गर्दै टीभीएसले ल्यायो ‘साथ छ हाम्रो’ योजना

पुरानै र सस्तो मूल्यमा नयाँ सवारीसाधन किन्ने यो योजना अन्तिम अवसर रहेकाले पनि ग्राहकवर्गमा यो योजना निकै नै आकर्षक रहेको कम्पनीले बताएको छ । यसले गर्दा साउन लागे पश्चात टीभीएसका बाइक र स्कुटरको मूल्य वृद्धि हुने अनुमान गर्न सकिन्छ ।

त्यसैगरी यामाहाको नेपालका लागि आधिकारिक वितरक एमएडब्ल्यु इन्टरप्राइजेजले यसको संकेत गर्दै ‘स्टे अहेड स् बिट द प्राइस हाइक विथ डबल सेभिङ्स’ नामक अफर नै ल्याएको छ ।

यामाहाले पनि सम्भवतः आगामी साउन महिना देखि नेपाली बजारमा बाइक र स्कुटरको मूल्य बढाउने छ । यो भन्दा पहिले नै छुट सहित कम मूल्यमा यामाहा बाइक र स्कुटर किन्नका लागि सो अवसर ल्याएको बताएको छ ।

नेपाली बजारमा अन्य बाइक र स्कुटर ब्रान्डले समेत मूल्य बढाउन सक्ने सम्भावना छ । त्यसैले नयाँ बाइक वा स्कुटर किन्न चाहनेका लागि असार महिना उत्तम विकल्प भएको अनुमान गर्न सकिन्छ ।

WRITE COMMENTS FOR THIS ARTICLE