मिथिलालञ्चलको माध्यमिकी परिक्रमा जनकपुरधाम फर्कियो

जनकपुरधाम । मिथिलालञ्चलको महाकुम्भ मानिने १५ दिने माध्यमिकी परिक्रमा  सोमबार जनकपुरधाम फर्केको छ ।

१४ औं दिन भारतको बिशौलमा विश्राम गरेका परिक्रमा यात्री १५ औं दिन जनकपुरधाममा आइपुगेका हुन् ।

अहिले जपुरधामको ऐतिहासिक बाह्रविघा रंगभूमि मैदान, तिरहुतिया गाछी लगायत जनकपुरधामको विभिन्न स्थानमा परिक्रमामा सहभागी श्रद्धालु भक्तजन टेन्टटाँगेर बास बसेका छन् ।

फागुने औशीको दिन धनुषाको मिथिला नगरपालिका ८ कचुरीस्थित मिथिला बिहारीको मन्दिरबाट मिथिला बिहारीको डोला जनकपुरधाम आइपुगेपछि अन्यमठ मन्दिरबाट किशोरीजीको डोला समावेश भएपछि परिक्रमा विधिवत सुरुवात हुने गर्दछ ।

१४ औं पडावस्थलको परिक्रमा गर्दै फागु पूर्णिमाको दिन पुनः जनकपुरधाम फर्केर भोलिपल्ट अन्तगरगृह परिक्रमागरेपछि यो यात्रा समापन हुने प्रचलन छ ।