मंगलबार , भाद्र ९, २०८३
काठमाडाैं । सगरमाथामा ‘रोप फिक्सिङ’ गर्न गएका तीन जना शेर्पा हिमपहिरोमा बेपत्ता भएका छन् । वसन्त ऋतुमा सगरमाथा आरोहणका लागि बाटो बनाउन ‘रोप फिक्सिङ’ (डोरी टाँग्ने काम) क्रममा गएका तीन जना बुधवार बिहान ९ः३० बजे आएको हिमपहिरोमा परेर बेपत्ता भएका हुन् ।
पर्यटन विभागका अनुसार बुधवार बिहान हिमपहिरोमा डा. छिरी शेर्पा, लाक्पा टेन्डी शेर्पा, लाक्पा रिता शेर्पा बेपत्ता भएका हुन् ।
उनीहरू क्याम्प एकभन्दा तल पाँच हजार सात सय मिटरको उचाइस्थित खुम्बु आइसफलमा आएको हिमपहिरोमा परी बेपत्ता भएका हुन् ।
क्याम्प १ तर्फ जानेक्रममा एक्कासी हिमपहिरो आएपछि तीनै जना शेर्पा करिब ५० मिटर तल बगेर पुरिएका थिए । सगरमाथाको माथिल्लो भागमा रोप फिक्सिङको जिम्मा पाएको इमाजिन ट्रेक नेपाल प्रा.लिबाट गएका उनीहरू हिम पहिरोमा परेका हुन् ।
बेपत्ताको खोजी र उद्धारका लागि सिम्रिक एयरको हेलिकप्टरबाट प्रयास भइरहेको पर्यटन विभागले जनाएको छ ।
हिमाल दर्पणले ‘नहतारिऔँ, ब्रेकिङ समाचारको पछि नदगुरऔँ’ भन्ने उद्देश्यले काम सुरु गरेको छ । पर्यटन, इतिहास, संस्कृति, मिडियालक्षित बहस, किनाराकृत विषयवस्तु एवं कला-साहित्यसँग नजिक भएर समाचार सामग्री (शब्द, दृश्य र अडियो) प्रकाशन गर्नु हाम्रो मुख्य ध्येय रहेनछ ।
हिमाल दर्पणले ‘नहतारिऔँ, ब्रेकिङ समाचारको पछि नदगुरऔँ’ भन्ने उद्देश्यले काम सुरु गरेको छ । पर्यटन, इतिहास, संस्कृति, मिडियालक्षित बहस, किनाराकृत विषयवस्तु एवं कला-साहित्यसँग नजिक भएर समाचार सामग्री (शब्द, दृश्य र अडियो) प्रकाशन गर्नु हाम्रो मुख्य ध्येय रहेनछ ।
DEPARTMENT OF INFORMATION AND BROADCASTING Regd Number : 2531/077-078
Editor: Raja Ram Paudel
Swayambhu - 15
Kathmandu, Nepal
© Copyright 2026, HimalDarpan. All Right Reserved. | Website by Nirvan Studio
