“हिमालयन ह्वाइट-वाटर च्यालेन्ज २०२२” नाेभेम्बर २७ देखि सुरु हुँदै

काठमाडौं । यस वर्षको “हिमालयन ह्रवाइट-वाटर च्यालेन्ज २०२२” नोभेम्बर २७ देखि २९ सम्म हुने भएको छ । नेपाल एसोसिएशन् अफ राफ्टिङ एजेन्सीज् (नारा)ले सन् २००२ देखि हरेक वर्ष आयोजना गर्दै आएको हिमालयन ह्वाइटवाटर च्यालेन्ज यस वर्ष त्रिशुली नदीमा हुने भएको छ । यस वर्ष २० औँ प्रतियाेगिता हुन लागेकाे हाे ।

(नारा)ले सहासिक जल पर्यटनको प्रवर्द्धन गर्ने मुख्य उद्देश्यका साथ प्रत्येक वर्ष प्रतियोगित आयोजना गर्दै आएको छ । आमागी मंसिर ११ देखि १३ (नोभेम्बर २७ देखि २९) मा प्रतियोगिताको सम्पूर्ण तयारी पुरा भएको नाराका अध्यक्ष शिव अधिकारीले हिमाल दर्पणलाई जानकारी दिए । प्रतियोगितामा नेपाली तथा विदेशी नागरिकहरूले सहभागिता जनाउने अध्यक्ष अधिकारीले बताए ।

प्रतियोगिता त्रिशूली नदीको फिस्लिङबाट सुरु हुने छ । प्रतियोगितामा डाउन रिभर रेस, कायाक स्याललम, कायाक फ्रि स्टाइल, बोटर क्रस गरीा मुख्य ४ इन्भेट हुनेछन । रेक इभेन्टमा प्रथम हुनेलाई ३०००० (तीस हजार रुपैयाँ), द्वितीय हुनेलाई २०००० (बीस हजार रुपैयाँ) र तृतीय हुनेलाई १०००० (दश हजार रुपैयाँ) बराबरको जलयात्रा सामग्री र प्रमाणपत्र तथा ट्रफि प्रदान गरिनेछ । कार्यक्रममा स्वदेशी तथा विदेशी देशका प्रतियोगीहरू समेत ३०० जना तथा आमन्त्रित पाहुनाहरू र अन्य सहभागी २०० जना गरी करीब ५०० जना सहभागी हुने जनाइएको छ । कार्यक्रमा २० भन्दा बढी देशका प्रतियोगीहरूको उपस्थिति हुने छ ।

यातायातको सहजता, भौगौलिक निकटता, खोलाको अवस्था तथा विभिन्न प्राविधिक कारणले यस वर्ष त्रिशूलीमा यस्तो प्रतियोगिता गर्न लागिएको अध्यक्ष अधिकारीले बताए ।

सन् २००२ बाट कायक र र्याफ्टिङ प्रतियोगिता गराउँदै आएको नाराले पछिल्लो समय विदेशी खेलाडीलाई समेत आमन्त्रणा गरेर प्रतियोगिता सञ्चालन गर्दै आएको छ ।

हिमालयन ह्वाइट वाटर च्यालेन्ज प्रतियोगिताले नेपालको जल पर्यटनको प्रवर्द्धनमा महत्त्वपूर्ण योगदान पुग्ने र पुर्याउँदै आएको पनि अधिकारीले बताए । र्याफ्टिङ एवम् कायकिङको लागि विश्वका प्रमुख १० नदीमध्ये नेपालका तीनवटा नदी सुनकोशी पहिलो स्थानमा, कर्णाली पाँचौँ स्थानमा र भोटेकोशी सातौँ स्थानमा पर्ने नाराका अध्यक्ष अधिकारीले जानकारी दिए ।

नेपालमा जल पर्यटनको अथाह सम्भावना भए पनि सरकारले यसतर्फ चासो नदिँदा पछाडि परेको अध्यक्ष अधिकारीको गुनासो छ ।