कब्जियत के हो , कसरी रोकथाम गर्ने ?

दिसा नियमित र सजिलोसँग नआउने, दिसा गर्नका लागि बल प्रयोग गर्नुपर्ने अवस्था कब्जियत हो । कब्जियत पीडित व्यक्तिहरूले अन्य मानिसको तुलनामा कम पटक शौच गर्छन् । यही कारण उनीहरूको पेट भारी हुन्छ, शरीर छरितो महसुस हुँदैन । खानामा अरुचि हुन्छ । कब्जियतको कारण कतिको वान्ता र टाउको दुख्ने समस्या हुन्छ । कब्जियतको समयमै उपचार नगरेको अवस्थामा आन्द्रा सम्बन्धी गम्भीर समस्या, पायल्स, फिस्टुला, फिसरजन्य रोग समेत लाग्न सक्छ । त्यसैले कब्जियतका रोगीले खानपिनमा ध्यान दिनु महत्त्वपूर्ण हुन्छ ।

लक्षण  

• ठिक ढङ्गले पेट सफा नहुनु
• दिसा नहुनु
• दिसा गर्दा समस्या हुनु
• दिसा गर्दा मलद्वारमा पीडा हुनु
• दिसा धेरै कडा हुनु र कम मात्रामा हुनु
• पेटमा दुखाई अनुभव हुनु
• थाकेको महसुस हुने
• टाउको दुख्नु वा वान्ता हुनु ।

कारणहरू

• खाने तालिका नियमित नहुनु ।
• बासी खानेकुरा सेवन ।
• शारीरिक रूपमा निस्किए हुनु वा लामो समयसम्म विश्राम लिने बानी ।
• मानसिक तनाव
• अति चिल्लोचाप्लो एवं अपाच्य भोजन ।
• पेटको कमजोरी
• पानी कम पिउनु ।
• खाना खाएको समय धेरै पानी पिउनु ।
• गरम मसलायुक्त एवं मसलादार खानेकुरा खानु ।

रोकथाम

• बारम्बार प्रशस्त पानी पिउनु, झोलयुक्त खाना खानु
• जौ, गहुँ, रोटीजस्ता फाइबरयुक्त खाना खाने
• प्रशस्त हरियो सागसब्जी र ताजा फलफूल खाने
• उखुको जुस, खुदो र मह खाने
• हरेक दिन बिहान र बेलुकी ३० मिनेट जति छिटो छिटो हिँड्ने
• दिसा आउँदा रोकेर नराख्ने
• खाना खाने बित्तिकै नसुत्ने
• भुटेको तारेको खानेकुरा नखाने
• गोलभेँडा खाने गर्दा कब्जियत ठिक हुन्छ ।
• मद्यपान र धूम्रपान नगर्ने
• रेसादार खाना खाने

• भिटामिन र प्रोटिनयुक्त गेडागुडी नियमित खाने